篋屍案揭發前 地產職員女鬼入夢
【本報訊】閉路電視攝得「拖篋男」出沒的地產公司，店內的林小姐聲稱，在紅磡旅行篋藏屍案前一天，她曾夢見女鬼入屋。林稱夢中女鬼年約四十歲以下，並說：「我阿嫲九十幾歲死，邊嚟個咁後生女鬼！個女鬼着藍色睡衣同褲仔，頭髮濕晒，好似好狼狽，唔知點咁，我諗起都毛管戙！」
林續稱：「於是我就噓佢嚇佢，佢走去上咗我阿媽身，咁點得，所以我又再噓佢！」女鬼其後向大門走，她說：「可能因為有神位，佢唔敢去，返轉頭喺工人房廁所窗走咗，煙消雲散，咁我就醒咗！」發覺只不過是一場夢，醒來時已是四月三日早上，她將夢境透過電郵告知同事。詎料，翌日清明節，紅磡海面便揭發旅行篋藏艷屍。
地產女職員聲稱曾夢見藍衣女鬼。
林小姐透過電郵聲稱夢見女鬼。
地產公司的閉路電視曾拍下死者與男友片段。