狗隻怕陌生對幼童起敵意
【本報訊】小孩是否比較容易受狗隻襲擊？具訓練狗隻經驗的專家解釋，由於狗隻有妒忌心，對家庭的新成員會較敏感，所以狗隻多對初生嬰兒或幼童因陌生而起敵意。
妒忌心作祟 不接受新主人
「除咗主人，狗會留意屋企嘅成員，如果有初生嬰兒或者小朋友，佢哋會有妒忌心，唔接受新嘅小主人。」香港犬隻訓練總會創辦人張松照指出，狗隻並非因為幼童個子小而起襲擊念頭，純粹因為感到陌生，加上有時小孩觸摸狗隻不當，亦容易惹怒狗隻。張補充說，狗隻張口噬向小孩亦都源於狗的天性，想教育小朋友，表示友好，不過卻容易因此錯誤咬傷小童。
張提醒，父母可以狗繩拉着狗隻讓小孩觸碰，從旁細心留意狗隻情緒變化，「如果見隻狗好嬲，想擘大口，就拉一拉佢，來回做多幾次，等狗隻知道個細路仔都係佢嘅小主人。」
狗隻會因陌生而對幼童起敵意，故家長必須陪同兒童接觸狗隻。