SUN世代:捐窿捐罅搵童真
近年,愈來愈多人愛上攝影,捕捉身邊動人的一剎,費詠詩亦是當中一分子。「我好鍾意影相,特別鍾意影小朋友,因為佢哋好真,唔會造作。可能人大咗,呢種真都會慢慢消失埋。」
為了尋真,費詠詩試過孤身走到陌生的橫街小巷。「前年同朋友去上海旅行,啱啱天光,就自己走去啲巷仔,搵當地嘅小朋友影相。佢哋真係好熱情,仲想帶我去佢哋屋企。」
除了攝影,費詠詩閒時亦愛當義工,幫助有需要的人,希望盡一分力,貢獻社會。「好似探訪老人院,可能只係花我哋半日時間,但對於啲老人家嚟講,就係好多日嘅期待,帶嚟嘅快樂亦可以持續好多日。少少嘅時間換來人哋咁大嘅快樂,何樂而不為呢?」
費詠詩經常走到不同角落,拍下眼前最真的一面。