SUN微博：打橫嚟講：香港通識教育大崩壞

自羅范椒芬掌管香港教育後，我遇逢人，皆力勸迅速送其子女出國唸書，當埋底褲都要咁做，因此地只會學壞人；至今，我的立場如一，日前，看畢中學文憑通識試，更印證我立論正確，讓我呼籲得更堅定同大聲。

將下一代人幸福，託付在羅范設定的教育制度上，仲仆街過賭大細，實輸到冚家慘！香港高官班仔女，老早運走晒了！據知，律政司黃仁龍個幼女，連在香港讀緊國際學校也急忙放棄，走夾唔抖矣！香港教育惡劣到何等地步呢？你諗嘞！

好地地，一份影響七萬幾學生前途的試卷，竟垃圾到無朋友，不單只題目裏遣詞用字「甩咳」到嘔，表達力弱，甚至提供資料，亦鬼祟過人，睇吓「資料A」：「本港某大學在二○一一年四月進行了一項調查」，喂！邊間大學呀？何解連校名都唔畀得人知？二○一一年四月進行過乜叉調查呀？我上網查遍三、四月香港各大報章及大學，皆搵唔到相關「香港人認為立法會哪一政治組織最能代表或保障他們的利益喎！」仲有，任何民調都受當時社會氛圍或事件影響的，例如港大民調指梁振英的支持度，由舊年二月的十四點幾至今年二月的五十三點幾，係有迹可查的。咁！二○一一年四月前，香港政圈發生乜事呢？而人民力量和新民黨成立無耐，梗不及年資長、資源多的民建聯大黨啦！評佢哋低分，好唔公道啫！還有，此調查，係乜嘢集團機構科水做的？訪問咗幾多人呢？有無利益衝突及認受性o架？

各位，為你仔女好，當底褲都要送佢哋走呀！快！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係咁爆：請邊個做政務司司長?

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot