政壇：傑青設計師為囝囝做戲服
日前行過布行林立嘅中環利源西街，見到獲獎無數嘅港產年輕設計師Connie黃蘭心，原來佢搵緊布料，為三歲囝囝親手度身訂造復活節唱遊活動嘅戲服。佢話好鍾意設計童裝同戲服，事關冇太多規條。
Connie畢業於理工大學，曾獲選香港十大傑出青年設計師。佢七年前被前政務司廖本懷嘅新抱朱承坤網羅，出任旗下時裝品牌「JO'S ready-to-wear」嘅設計師。
佢心中始終有鋪設計癮，最近就為一套電影重新設計四套戲服，擺放喺商場展覽。雖然佢鍾意天馬行空嘅設計，但笑言衣櫃內只得黑白藍三種顏色。
