被問撞船位置船員粗口辱罵
【本報訊】新渡輪撞內河船，船公司及警方雙雙捱轟。城市大學姓羅男生表示，事發後他曾用手機報警，惟向船員查詢事發位置時，卻反被人以粗口辱罵：「我點ｘ知呢度係邊度！」他炮轟船員態度「離晒譜」，船公司「只識加價，又唔做好啲」。
左手擦傷的楊先生則指，警員登船調查已登記乘客資料，其後船公司派船將乘客送返長洲，警方在轉船及返抵碼頭時，又再登記他們資料，手續繁複，他憤憤不平稱：「登記咁多次都唔知有乜用。」梁小姐則指船身撞擊時一度產生火花，乘客被嚇至驚叫，情況混亂。
到場協助的離島區區議員鄺官穩批評新渡輪沒吸取以往撞船教訓。新渡輪發言人回應稱，事發時船上有廣播，亦有船員為傷者即場檢查治理，相信乘客與船員溝通出現問題，才發生誤會。