烽火台：ＣＹ要帶眼組班

候任特首梁振英頻頻落區聽取巿民的聲音，「從群眾中來，到群眾中去」，兌現競選承諾，更使基層相信梁振英並非做騷。小生相信CY是想巿民明白：處高位的人，真要為民做一些事，既是可為之事，就要把它做好，要盡力，親自落區最真切。

香港回歸以來，其中一個最糾纏的命題是：何以深層次矛盾愈積愈深，民怨譟暴？依小生觀察，主因之一就是問責高官所託非人；政府用人唯親，有以致之。煲呔曾向來剛愎自用，視民間聲音如無物，好似重用「親兄弟」鬍鬚曾任財政司司長，結果變成史上最廢財爺；再如重用民望最低的林公公做政務司司長，結果號令不行，政府管治威信全無。老子時代就話「絕聖棄智，民利百倍」，一味愚民就天下太平，但如今資訊發達，一切講求透明度，政府要隻手遮天不易。

CY正籌組管治班子，真係要選賢與能，千祈不要蹈煲呔曾覆轍，用人唯親。本報民調顯示，大部分受訪者最想叮走嘅高官就係食衞局局長周一鑊。他任內一事無成，醫療事故鑊鑊甘，監管食物不力，公營骨灰龕短缺多時，不但解決唔到，清明時節連火化爐都規管失當，打擾先人，又令附近居民要與燒屍臭味共進晚餐，影響居民身心健康，你話周一鑊係唔係靠害啊？CY真係要帶眼組班，否則香港冇運行。