SUN世代：學調香水提升嗅覺

「我一啲酒癮都無o架！有時我覺得自己鍾意聞紅酒，多過飲紅酒。」Stefano的品酒學校英文名叫The Nose Wine School，以「鼻」命名，除強調嗅覺在品酒過程的重要外，與他的特別喜好有莫大關連。

他嗅覺靈敏，喜歡用鼻探索氣味，而為了令紅酒鑑賞可昇華到另一層次，他到法國學習調配香水。「一個未經訓練嘅人可聞到二千至四千種氣味，訓練過後，可以聞到二萬種氣味！」在美國生活期間，與女友拍拖行街，他最愛於香水專櫃之間漫步，「成個下晝企喺嗰度聞香水，我已經覺得好享受。」

對門外漢來說，紅酒只有兩種味─好味同唔好味。但對品酒師來說，一杯紅酒可傾出多重味道︰花香、果香、木桶和泥土味，味道變化無窮。Stefano回憶一支令他驚為天人的紅酒，「一開木塞，兩呎以外都聞到香味。品嘗到好多書記載過、但未曾嘗過嘅味。」