政壇：政商定格：泰儲妃中環Shopping大陣仗
泰國儲妃西拉斯美（SRIRASMI MAHIDOL）同囝囝近排來港度假一個多禮拜，前日下晝四點半，記者發現一身休閒打扮嘅儲妃，現身名店林立嘅中環ifc商場。王族出巡，隨行保鏢同工作人員嘅警覺性好高，一見有記者舉機影相，立即用盡方法遮擋鏡頭，用完手又用袋，有人仲攞出iPhone反拍添！其實咁勁嘅排場，都好難唔惹人注目啦！
擾攘咗十五分鐘後，儲妃隨即轉到另一名店掃貨。記者留意到儲妃全部隨行人員嘅衣物上，都扣住疑似儲妃愛兒樣貌嘅襟章，莫非係用嚟識別工作人員嘅身份？抑或小王子走失時用嚟認人嘅呢？
泰國儲妃西拉斯美喺中環ifc商場四圍閒逛購物。
泰國儲妃嘅隨行人員，出盡百寶遮擋攝影鏡頭。