原來立法會議員Starry李慧琼個囡囡有偏食嘅習慣，一般小朋友都係鍾意食啲煎炸嘢，但佢囡囡就與眾不同，最鍾意食壽司，原本壽司都算健康食品，但最弊係囡囡淨係食舊飯，營養唔夠下自然偏瘦。
話說Starry上月因為公幹去咗英國，佢喺當地見到啲色彩繽紛嘅朱古力復活蛋，就即刻諗起囡囡，於是買咗三隻做復活節禮物，其中一隻仲成呎咁高添，目的都係想谷肥囡囡。佢仲設計埋「谷肥餐單」，包括要囡囡早晚飲牛奶、食芝士咁話，做阿媽真係用心良苦囉。
李慧琼要出動到復活蛋，去谷肥有偏食習慣嘅囡囡。（受訪者提供）
李慧琼
