政壇：林順潮醫院開到深圳
離開中大眼科及視覺科學系高職嘅眼科名醫林順潮，年頭喺中環私人執業，但仍兼顧學術研究、扶貧復明，仲要兼顧屋企，搞到一日廿四個鐘都唔夠用。
由佢一手湊大嘅「亮睛工程」，三月初喺河南開設新眼科中心，連同其他省市，總共已有二十幾間，造福唔少貧苦大眾。神州潛力無限，佢都睇好前景，今年殺入深圳開眼科醫院，預計年底開幕，若然成功，應該「錢」途無限。
老公負責搵錢，靚太李肖婷就相夫教子，每逢周末，一家四口齊跑步健身。大女林昭悅已四歲，細仔林昭博就兩歲，兩個似足老竇咁好學，長大後，大有潛質繼承老竇衣鉢做醫生。林醫生就話好恨生多幾件，但太太話想抖抖先喎！
林順潮（中）抱住對仔女，湊成一個「好」字。（被訪者提供）