政壇：黃灝玄快閃丟低女助理

話說尋日上晝十點半，商務及經濟發展局常任秘書長黃灝玄，突然到候任特首辦同候任特首CY梁振英見面，大約見咗個幾鐘離開，但對於傳媒提問就十問九唔應，臨上車前向身邊女助手拋下一句「Carol，你自己返去」，就咁丟低女助理。翻查資料先發現呢位女助手係洋名Carol嘅工貿署副署長袁小惠，事後亦有人話呢個只係一個工作會議。

話時話，黃灝玄同CY見面後速逃非首次，之前CY同政務主任協會代表會面時，有份出席嘅黃灝玄都係冇答任何提問就走咗，忽然令人對CY短時間內兩次會見黃灝玄引起聯想。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

問見CY傾乜？黃灝玄只笑不答。