政壇：張茵：淨係使錢女人易老
曾經喺○六年登上內地「胡潤百富榜」首位、成為中國第一個女首富嘅玖龍紙業董事長張茵，尋日佢出席博鰲論壇時同大家分享咗好多成功嘅秘訣！
張茵首先係強調現代女性獨立嘅重要性，佢話女人如果要靠老公養，講得難聽啲就即係保母，而且家庭生活就會冇晒共同語言，所以女人一定要出嚟做嘢，要同老公分享社會上發生嘅事同自己遇到嘅困難，佢仲話如果女人淨係使錢，好易老o架！佢又話最緊要係處理好心態，例如遇到困難時，要拎出嚟同人傾，唔可以覺得自己啱晒；如果盡咗力，就唔好怪責自己。佢亦都勸勉各位事業女性，做嘢好似上樓梯咁要一步步慢慢嚟，一次過上幾級好易「kick親」喎！
張茵強調現代女性如果要靠老公養，等如係保母。（資料圖片）