政壇：郭少明心急幫孫起名
龍年生育率特別高，莎莎國際老闆郭少明（Simon）愛女郭詩慧（Melody）上周三生咗個龍仔，Melody係剖腹分娩，龍仔肥肥白白，重七點一磅，榮任外公外婆嘅Simon同太太郭羅桂珍開心到飛起，急不及待幫BB改名，中文名叫陳頌言，英文名就叫Jacob。
同太太迎來愛情結晶品嘅陳振邦心情亦好興奮，佢透露，太太生BB時，佢全程陪伴左右，仲一直緊握住對方嘅手，熱淚盈眶咁等待新生命嘅來臨。佢哋一早請定陪月員，仲買定晒BB用品，畀小龍仔有最佳嘅環境。
郭詩慧為老公陳振邦（右二及一）產下龍兒，郭少明夫婦（左一及二）開心到飛起。（資料圖片）
BB似陳振邦定郭詩慧邊個多啲呢？（受訪者提供）