政壇：政商定格：楊孫西做新翁笑不攏嘴
全國政協常委楊孫西公子Johnny楊華勇前晚擺婚宴，新娘子係內地做房地產嘅雲南省政協常委莊哲猛千金Fiona莊菲娜。首次做新老爺嘅楊孫西成晚笑不攏嘴，佢話恨咗呢杯新抱茶好耐，仲話對新抱好滿意添！
Johnny同Fiona嘅「紅娘」原來係菁英會，Johnny舊年參加該會舉辦嘅一個四川交流團，喺機場上邂逅Fiona，隨即擦出愛的火花。
Johnny話佢哋首次相遇已經情投意合，仲視對方為結婚對象，所以相識唔夠一年就拉埋天窗喇！當晚二人喺婚禮上互訴愛的宣言，承諾會好好愛錫對方，Johnny仲話會努力造人添！
楊華勇同莊菲娜一見鍾情，早已視對方為結婚對象。