政壇：沈祖堯園遊會吟詩賞花
中文大學前日喺花草茂密嘅崇基學院未圓湖，舉辦咗首個文化盛會「博群花節園遊會」，連校長沈祖堯都忙裏偷閒同一班學生齊齊賞花吟詩、寫書法、留倩影、歎茶點。沈校長話舉辦呢個活動係要鼓勵中大人放慢腳步、親親美麗校園，反思人生、珍惜當下，然後帶住夢想同希望，奔向將來喎！
現場設有林蔭草地靜思區，內裏安裝咗視覺裝置，畀來賓停低細嚼詩詞。當日唔少名人都有去湊熱鬧，好似國際知名詩人作家、中大東亞研究中心人文學科講座教授北島，同埋世界知名文化研究學者、中大冼為堅中國文化講座教授李歐梵等。
