控告彰正義起警惕作用

【本報訊】刊登誹謗言論的網站，被法院判處賠償十萬元，並需交出發文者的資料，多個界別人士都認為判決可警惕大眾不要發放失實資訊，損害他人聲譽。律師黃國桐表示：「可以清楚話畀網民同網站管理人知，唔好以為喺網上就可以『話之你』，亂講嘢，諗住『睇我唔到』、『搵我唔到』，講完乜事都無，其實一定捉到你！」

律師：其實可以判重啲

「網上係公開平台，咩人都睇得，仲係文字記載，可以永久存留，傳播速度又快，所以喺網上發表誹謗言論，殺傷力大，仲衰過喺旺角貼街招唱你，一定屬於較嚴重嘅書面誹謗。」黃國桐更認為：「今次其實可以再判重啲，因為無證據就話人做非法嘢，擺明就係誹謗言論，你作為一個平台點可以唔去監管，收到律師信又唔即時處理？」

他補充：「如果誹謗言論帶有惡毒，有計劃、有陰謀咁發布，仲可能係刑事（罪行）。」不過，因為舉證比較困難，警方唔重視又好少理，受害人一般都需要自費經民事訴訟去控告，動輒數以十萬計嘅律師費，所以好多時被人誹謗嘅受害人焗住要忍氣吞聲。

他又指，如果要伸張正義同取回應有嘅權利，就一定要有團火同鍥而不捨嘅精神，東方今次對社會起咗好正面嘅作用，話畀人知要對自己言行負責，因為一定查到出嚟。

網上行為更易留證據

「網上行為比你喺條街做嘅嘢更易留下證據。」香港專業教育學院（屯門）資訊及通訊科技系系主任梁秉雄指出，網民在網上的任何舉動都被記錄，而電訊管理局要求網絡供應商儲存有關的用戶紀錄長達三個月，一查即現形。