SUN世代：名師教路 注重與客溝通

由化妝師變身形象指導、舞台劇形象總監，再成為電影美術指導，到開廣告公司做老闆，CY有今時今日的成就，除靠自己努力奮鬥外，還遇到不少伯樂。師承星級化妝師Gary Chung的CY盡得恩師真傳，名師出高徒：「Gary係我化妝生涯中最重要嘅人，教識我敬業樂業嘅工作態度，畀我知道化妝唔係執靚個樣咁簡單，仲要同客人溝通。」

入行初期雖然辛苦，但CY感激Gary扶持：「 Gary畀咗好多機會我，佢教過咁多學生，我真係無諗過咁快可以跟佢！」極速成名，曾面對不少流言蜚語，惟他未有洩氣，反而視為向前衝的動力：「我唔會唔開心，證明我做到成績。呢個係一種認同，只不過有人負面化咗，但有人討論先有存在價值！」

今天，CY踏上青雲路，他感謝恩師的教導，不時給予意見，協助他思考日後的發展路向，並視對方為學習對象：「我好欣賞Gary，佢畀我第一個印象真係好勁，表達能力好強，化妝技巧又好，仲充滿自信！」