政壇：和廣北身價升幅冠同行
中國銀行同中銀香港兩母子尋日齊派成績表，最能吸引眼球嘅，除咗盈利同派息之外，管理層嘅收入都係焦點。
根據尋日中行同中銀香港新鮮出爐嘅年報，中行舊年賺1,241億元人民幣，而中銀香港則賺204.3億元；中行董事長肖鋼舊年嘅報酬總額係106.25萬元人民幣，而中銀香港總裁和廣北則1,220.1萬元。
其實中行董事、監事同高級管理人員，加埋超過二十人，舊年全年嘅總酬金僅2,326萬元人民幣，都只係高和廣北唔夠一倍咋！
撇開佢哋身價，比較一下身價嘅升幅，肖鋼都係輸畀和廣北，肖鋼嘅報酬只係升咗5.4%，和總就有20.4%嘅升幅，唔單只跑贏肖鋼，亦勁過一眾銀行界嘅一哥一姐。
和廣北舊年嘅報酬升咗逾兩成。