SUN微博：國局時：中國主場日越無光

打橫嚟講：梁特首新班子名單大放送

梁振英剛選到做新貴特首，另一邊廂就話佢過橋抽板、反面不認人，正常人都唔願跟佢撈，故估計佢組班困難喎！

傻嘅！喺香港，當官薪高糧準假期多福利好，只要四肢發達便可！大把人爭住做啊！

梁特首講過只會用人唯才，不記仇，做得嘢嘅，就算係唐英年，佢亦可能或許考慮拉攏入閣。振英哥亦話揀班底，先從現任問責官員、公務員着手，然後到政府外圍的社會搜羅人才，怎怕無人用？

講真，香港簡直人才過剩啦！唔信？開張單同大家研究吓：

特首之下，二號人馬之政務司司長，除大熱林鄭月娥外，那自詡淑女嘅掃把頭爆晒響口撈啦！不過，佢背後篤振英又唔認數，誠信未過關兼嘴口貌口貌，無機o架嘞！現任的林公公？收皮啦！但一定要留番個位畀佢，因有佢墊底，就無人民望包尾囉！派佢做屎坑所長吧！親信羅范管番老廉，主責捉貪官，先審煲呔，彰顯廉潔法治。近身李國章係教育和醫學界良才，畀佢睇呢兩瓣，包保再無雙非孕婦願意來港生仔或讀書，問題大解決。

以上人強馬壯，配以梁特首的強政勵治，香港重生有望，撐呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

公眾知情權大晒？

知情拳Vs賊喊捉賊

狼豬大戰，唐唐使出「知情拳」挫狼，惜無證據且濫用怪力，被狼「賊喊捉賊」一招K.O，慘敗收場！

政府係禍首

香港最近大談公眾知情權，主流意見傾向高舉知情權的神聖，但在傳媒領域，警方消防救護相繼熄機，轉行官方餵料，何嘗不是剝奪公眾知情權的一種？政府才是民權破壞先鋒？

即上ontv東方電視評論台睇吓啦！

就係咁爆：交通費勁加點算好？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot