紅十字會位於西九龍海庭道嘅新總部大樓尋日舉行動土禮，唔少城中名人都有現身，梁振英當選特首，一早撐梁嘅前天文台台長林超英話，CY來自基層，希望佢唔好忘記基層市民。
另一名「梁粉」、著名骨科醫生高永文更被傳獲邀加入新一屆政府，所以佢一露面，即刻畀人重重包圍，高永文話，如果有人向佢招手，佢都會認真考慮喎。連佢老友前民政事務局常秘「媽打」李麗娟都整蠱佢，笑笑口話唔知叫佢「主席」（醫管局）定係「局長」（食衞局）好？
林超英（左）同紅十字會總監黃兆光（右）齊為紅十字會出力。
高永文（左）畀「媽打」李麗娟（右）整蠱，問叫佢做局長定主席好喎。
