香港青聯賢慧社副主席林玉茵（Maya）係候任保良局主席梁寶珠嘅女兒，Maya同媽咪一樣咁熱心慈善工作，家吓正搞緊下月十號嘅活動，呢個名為「青聯賢慧愛家日」嘅活動係要帶低收入、單親家庭或少數族裔家庭的小朋友及家長免費到海洋公園遊玩一日。
Maya話，帶小朋友出遊好有意義：「從中可以啟發小朋友探索思維之餘，亦懂得孝順父母同尊敬長輩。」小朋友亦更易懂得「孝道」同保育工作，講起海洋公園，佢都諗起兒時記憶，話媽咪成日帶佢去海洋公園，好鍾意睇殺人鯨喎！
林玉茵正着手籌備下月十號嘅海洋公園之旅。
