前日新一屆特首選舉投票，咁啱係恒生新抱何倍倩嘅牛一，老公送上佢最鍾意嘅白玫瑰花，仲有手袋同首飾做生日禮物，之後又出外食飯慶祝。不過，生日前夕已經發燒嘅佢，尋日就病倒，要留喺屋企休息，佢擔心病菌傳染囝囝，所以自行喺屋企同囝囝隔離，佢喺電話回覆時話：「生日病當係收大禮，不過自己都想休息吓嘅。」佢又話認識唔少朋友都係喺三月二十五號生日，甚至同年同月同日都有，所以每年生日都會互相傳短訊祝福一番。
何倍倩牛一，老公送上白玫瑰花做生日禮物。
