政壇：搞搞政：挺唐肥胡投奔香港營
喺CY梁振英當選特首後，急切要做嘅係埋班，預料政府問責團隊將會大執位外，好多公營機構都可能換人，當中包括力挺唐唐做特首嘅醫管局主席胡定旭。肥胡嘅任期到年底就完結，即係新政府上場後幾個月嘅事，尋日佢出席醫管局中醫教研中心開幕時，被問到會唔會留任同會唔會擔心被「秋後算帳」時，佢就話唔擔心，而且釋出善意。
肥胡坦言已服務社會二十幾年，有機會都願意考慮喺唔同崗位服務社會。佢咁講法，似乎有心留低繼續做，唔排除同CY有合作嘅可能性。不過，佢一直係「挺唐悍將」，上述言論算唔算係「跳船」投靠CY呢？佢就耍太極話：「呢啲係人哋嘅意見，唔作評論！」佢又引用CY當選特首後嘅名句，話如今已經再無「唐營」、「梁營」之分，只有「香港營」喎！
設計圖片及對白