政壇：靚仔醫生保健靠晨運

近排天氣忽冷忽熱，市民好容易中招感冒，人稱「靚仔醫生」嘅腫瘤科名醫莫樹錦自爆保健獨家秘方，就係每日朝早食早餐前，到戶外行半小時至四十五分鐘，加上每星期兩次去健身室做運動，平時就無咁易病喇。難怪佢年逾五十歲，身形仲Keep得咁fit。

莫醫生前日以特首選委身份到灣仔會展票站投票，講起佢日日晨運嘅習慣，原來係八、九年前囡囡仲讀緊小學時，朝朝早六點幾鐘就要返學，佢送咗囡囡上校車後，自己就喺屋企附近行路當運動。依家囡囡已讀大學，佢依然保持呢個習慣，多年來真係冇乜大病，但最重要係身心健康。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

莫樹錦勤做運動保健康，難怪身形咁fit。