中西區區議員蕭嘉怡正式嘅辦事處仲未有着落，但佢喺臨時議員辦事處已收到唔少投訴要跟進，唔講唔知最近仲吸引到明星。
嘉怡最近喺社交網站，張貼咗兩張喺辦事處同明星嘅合照，有網民留言時大讚嘉怡有顆善良嘅心借出場地，另有網民仲發現嘉怡企喺呢兩位明星隔籬，好似笑得唔多自然。
嘉怡話有機會同明星合照只係巧合，因為咁啱有部電影喺辦事處附近開鏡拜神，嗰部電影嘅公關又想搵個地方畀班演員同工作人員休息，所以就借畀佢哋入內坐坐啫！
藝人譚耀文（右）拍戲，都去嘉怡嘅辦事處休息。（互聯網圖片）
