SUN微博:第N滴酒……

英年嗜酒成狂,終發酒癲,Rambo上身,亂槍掃射……

打橫嚟講:信我啦!無呃你哋,各位!

仲有三日,香港便會選出新特首;尋日,「垂死掙扎」的唐英年喺電台話,本無打算爆阿梁振英的料嘅,只是梁寸佢辦公室梳化的瘀嘢,令佢一時慶起,唔理乜春保密法,定要還拖。嘩吓!不顧後果,打亂選舉團隊制訂上陣戰略,情緒咁易失控,大耍少爺仔脾氣,比梁振英更得人驚喎!中央怎敢交個特區畀你揸莊呀?小朋友!

特首激戰,炮火隆隆,唐英年無故擲出手榴彈,碎片亂濺,中流彈最傷的,並非梁振英,因如果佢係傳聞中受阿爺「關顧」,即有防核爆金縷衣護體,分毫不損,最弊係那個前保安頭目,家陣又想紮職做政務司嘅掃把頭,當年佢誓死力推廿三條,其中一定「諗過」、「講過」、「做過」好多有關要內部保密,不得讓七百萬市民知曉的絕密舉措,如今,畀個低能兒因一時氣憤而「涉秘」,若火頭只隊向振英哥,就話之你吖!但現在事態發酵,好快會燒埋掃把頭身上,咪話佢想「流選」後再報名參選,就是九月立法會選情也甚牽連,更大鑊的,連她媽的那個小民黨都波及無運行啊!所以,爆出「防暴論」以來,反應最大的,莫過於掃把頭也!由最初回應「唔記得」,至「無聽人講過」,到前日捉字蝨,說甚麼只有「機動部隊」,而沒有「防暴警察」,愈講愈心虧,無私顯見私;相信仍有很多該向七百萬市民「披露」的密室陰謀,只可惜,礙於人性卑劣及體制約定,市民的知情權,封存在冰冷的黑洞內。

歡迎add我facebook

一齊鬧爆夕陽政府

次文化考古學家,對城中潮語有深入研究,博徵博引,廢官廢人行埋一邊。彭志銘

就係敢爆:公眾知情權大晒?

讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能,財經資訊,實時實發!

英年嗜酒成狂,終發酒癲,Rambo上身,亂槍掃射……