政壇：政商定格：呂鈞堯黃英鵬愛上帆船遊
從事紙品生意嘅香港青年企業家協會會員Quincy呂鈞堯同老友Simy黃英鵬，月前攞到克羅地亞帆船Salona嘅亞洲區代理權，並改名為「賽龍」，因為係比賽專用嘅帆船，同時又可用作消閒，兩者兼備。
Simy十幾歲開始接觸帆船，一試就愛上，因為帆船係以風力發動，既冇難聞嘅燃油味又夠環保，之後佢仲考埋帆船執照添！Quincy自言受Simy啟蒙，依家積極諗住考番個帆船執照牌。
Simy話Salona全港暫時只有兩艘，佢介紹嗰艘屬於最新型號，價值二十八萬歐羅（約二百八十八萬港元），用料設計全部度身訂造，麻雀雖小但五臟俱全，一家大細住幾日都冇問題。
愛好帆船嘅黃英鵬（左）同呂鈞堯代理克羅地亞帆船Salona，寓工作於娛樂。
Salona內櫳以碳纖同夾層木板製造，令船身輕盈。
克羅地亞帆船Salona全港暫時只有兩艘。