政壇:搞搞政:食署狂聘外判工玩剝削

立法會尋日恢復二讀預算案,多個政黨都批評預算案冇支援N無人士,但工聯會議員王國興冇追究呢方面內容,反而對政府部門嘅人手編制唔多滿意,仲即時搞咗個頒獎禮,頒「外判大獎」寸爆政府。

阿王話向政府部門發咗七十幾個質詢、四十幾條問題後,發現原來政府對僱員嘅剝削非常嚴重,食環署、康文署叮噹馬頭,喺聘用最多外判員工同非公務員合約員工等項目中打入頭三名。咁即係要頒個縮骨大獎畀食環署署長梁卓文啦!

此外,政府產業署嘅外判員工同公務員比例竟然高達九比一,即係九個外判工人至有一個公務員,阿王話要頒個「外判員工百分比」大獎畀產業署。佢批評政府帶頭製造同工不同酬,擺明車馬剝削員工,同工聯會反外判嘅立場背道而馳,難怪佢尋日愈頒愈火滾。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

設計圖片