政壇：張國柱改歌為N無發聲
財爺鬍鬚曾hea做等收工，廢到無倫嘅預算案就想蒙混過關，但立法會社福界議員張國柱尋日就話，鬧呢個龜縮政府嘅末代預算案，已經鬧到冇晒心機，亦唔想重複又重複向呢個看守政府解釋Ｎ無人士嘅苦況，於是佢唱出一首改編自賀年歌《祝福你》嘅《N無人士劏房細》，為N無人士伸冤。
首歌第一句：「劏房細（祝福你），仲有租金貴（在每一天裏），永遠驚會迫遷（永遠多采多姿）」，到中段：「公屋讓我等到無心機（春風為你吹開滿山花），宿位讓你等到已升仙（秋月伴你天空萬里飛）」。相信無論歌聲如何，N無人士必定能投入其中。
