會計師公會（下稱會公）行政總裁張智媛年中將會約滿離任，會公早排成立遴選委員會搵接班人。聽聞，會公對下任CEO已有理想人選，只待條件、程序等細節落實，就可正式拍板。
咁邊個有機會做下任CEO？市場盛傳，其中一個熱門係現任會公理事丁偉銓。
丁偉銓喺會計師界已有超過二十五年經驗，依家係國浩執行董事。佢同會公向有淵源，除咗係現任會公理事外，以前亦曾喺會公任職專業會計師。