特首選戰精彩絕倫，真係拍戲都冇咁多變奏。適逢立法會下月二十七號舉辦議員與記者同樂日，大家都準備搜羅今次特首選舉內容做節目。
同樂日節目離唔開「有口難言」、「收買佬」同「猜猜誰」呢啲適合人多一齊玩嘅遊戲。不過，今次要數最精彩嘅，相信係議員同記者粉墨登場，扮演三位特首候選人鐵頭仁、唐唐同梁振英喺兩次辯論嘅精彩片段。當三人見到自己被人醜化，唔知會否感到尷尬同唔高興呢？