政壇：何超盈搞餐廳唔預男友
何鴻燊千金何超盈前晚以白色公主Look出席MOISELLE春夏系列時裝展，為好友兼品牌太子爺陳柏熹撐場。見佢聲音沙啞，原來係喉嚨痛。問到近況點呀？佢話：「都係返學放學啦，下年先畢業。」咁係咪真係一畢業就結婚？佢話：「我仲有好多其他嘢做，依家搞緊生意，將會代理一個法國餐廳品牌，因為自己鍾意食嘢，已經籌備緊，依家一邊讀書一邊搞。自己搞，男朋友冇份，同埋做呢樣嘢係因為爸爸都好鍾意食嘢。」佢仲透露呢樣嘢係爸爸送畀佢嘅生日禮物，仲希望畢業後作長線發展，早前亦同媽媽去法國洽談代理權添！
