特首候選人辯論大戰精彩發言

梁振英

●根本就冇黑金政治呢回事，如果有金，都係「真『金』不怕洪爐火嘅『金』！」

●你話人口政策報告出咗，其實係未出嘅，你係唔係返工o架呢？你係望住天花板，定係一如傳說中，望住張梳化呢？

●唐英年，你講嘅根本唔係事實，請你返去睇報紙先講啦！

●唐英年，你二○○○年都同多份報紙講，話樓價下跌唔關八萬五事，你依家又推落我度？

唐英年

●梁振英，你當住七百萬人講大話，各位市民，你會唔會選呢啲咁嘅政客做特首？

●梁振英，我做過嘅事會出嚟認，唔會好似你咁乜都唔關你事，八萬五唔關你事、黑金政治又唔關你事，劉夢熊你差啲唔識佢添！

●我唔會好似梁振英咁帶你遊花園，兜嚟兜去最終都冇答問題。

●梁振英，我好肯定你所講嘅核心價值唔包括言論自由，因為你都唔畀我回應。

何俊仁

●唐英年，你成日話要有經驗，咁你係唔係想千秋萬世？你話有經驗，但睇到你啲經驗就驚喇。

●（罵唐英年）喺僭建事件上嘅錯，係連你反應都有問題。小事化大，大事變災難，你做咗特首要鞠躬幾多次先夠呢？

●（罵唐英年）扶貧委員會虎頭蛇尾，人口政策無影無蹤！

●你兩個發言（梁、唐互罵）好精彩呀，我好想聽多啲呀，繼續爆吖！