SUN微博：特首最後一拃保鏢

打橫嚟講：曾蔭權，行開啦！

曾蔭權之令人討厭，不特止在於他的貪，而是他品格之無恥卑劣，從上任特首第一日起，稱自己為「政治家」，要「做好呢份工」，又話視「民望如浮雲」等等叫人嘔飯的敗德誑言，當全世界嘅人係白癡，唔該佢睇吓今日自己的民調結果，仲衰過秦檜、和珅加陳振聰，畀着任何一個稍有良知的人，唔跳海都食蕉啦！係得佢厚顏得戚的說香港還需要佢做到最後一分一秒，去死啦你！

溫家寶說「一個為多數港人所擁護的就是特首」，曾蔭權貪盡海陸空，民調直指負分，不得人心，一日唔死開，一日都係香港之恥。

在此鬧爆曾蔭權賤精，並非無的放矢之發囉囌，而係見此公太無血性，七百萬港人都在蔑視佢、趕佢走時，佢仲賴死留低，以至畀人再三揭發佢一次又一次過澳門貪威識食瞓遊艇，曾蔭權每次都話去拜山，吓！乜解你咁孝順，定死得人多，要你咁頻撲呀？

曾蔭權講大話唔使本，連個細仔有份到澳門歎世界，入住賭廳豪客才能住的大房，佢都話「因多咗一間臥室」，個仔急call老竇老母嚟瞓番晚喎！咁嘅大話都講得出，又當香港人傻o架？

最令人氣憤的，是曾蔭權自訂特首守則，佢話無罪就無罪，所以，他大條道理去「舐遍省港澳」，就算畀人插爆，都仲可理所當然咁貪到最後一分鐘，你話慶唔慶吖？

歡迎add我facebook一齊鬧爆夕陽政府

彭志銘

次文化考古學家，對城中潮語有深入研究，博徵博引，廢官廢人行埋一邊。

就係咁爆：誰是特首？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot