政壇：葉劉CS搶位搵雙林墊底
尋日講過下任政務司司長（CS）大熱人選，分別係做過保安局局長嘅新民黨主席葉劉淑儀同「好打得」嘅發展局局長林鄭月娥。葉劉尋日上電台節目，承認特首候選人唐、梁陣營都接觸過佢，邀佢做下屆CS，貪佢有政府經驗亦參加過直選，真正熟悉香港政治玩法，但未有具體安排，佢亦冇即時答應。
節目主持人問，如果佢加入政府，係咪唔會再吼局長位？佢話已做過局長，跟住又話依家唔少高官都做過佢下屬，佢話：「林太係我升佢、謝凌潔貞（教育局常秘）係我升佢，仲有好多個o架！」
當被要求月旦其他CS熱門人選時，葉劉即時話：「唔方便評論，全部都師弟師妹！」但轉頭又話，林鄭係就係人才，不過好多公務員下屬都有微言，擺明就係寸林鄭人緣唔好啦。跟住佢就將槍頭瞄準政務司司長林公公，話佢民望唔合格。
設計圖片及對白