政壇：周一鑊龜縮避倒周大會
立法會衞生事務委員會今日邀請團體代表出席會議，發表對規管骨灰龕嘅意見，但五十一個出席團體當中，發現最少有八個打正旗號、擺明倒食物及衞生局局長周一鑊台嘅新勢力，相信到時鬧爆周一鑊嘅發言必定此起彼落。
「倒周」團體包括「不要每周一鑊連線」、「踢走周一嶽聯盟」同「新特首必需撤換周局長大聯盟」等，淨聽個名足已令出席嘅周一鑊相當尷尬。不過，周一鑊做嘢出晒名閃縮，過去每逢有麻煩嘢只會搵副手去硬頂，好似前副局長梁卓偉就幫佢擋箭擋得多嘞，而今日個會議都唔例外，佢只派副秘書長去出席，自己一於闊佬懶理。