SUN微博：而我不知道上水仔是誰…

打橫嚟講：無王管的廢墟

香港開埠至今，百多年來，從未如此混亂過。

又話香港係個先進嘅金融中心大都會，有國際視野嘅中國南大門，是祖國內地城市嘅學習好榜樣，為國家與外界接軌的好幫手，係全球獨一無二的特殊典範，講到真的一樣……

只不過，區區一個不全部依足本子（劇本）排演下去的小特首選舉，便將此地廢柴政府的窩囊真面目，徹底暴露人前，衰到貼地。

數不清有多少個政界人物，包括議員、官員、知名社會「賢達」、時事評論員和街頭狗噏分子皆說，凡民主選舉，一定會有人出陰招、散謠言、掟黑材料，視醜聞亂起、抹黑潑糞乃民主選情中的必然附屬品，咁都講得通嘅話，民主選舉咪仲衰過獨裁欽點？點解，大家唔諗吓，嗰啲候選人及其班底會有咁多污點痛腳畀人逐一揭破？禍源何在呢？

仲有，香港搞到今時今日咁惡劣，呢個廢柴政府至係罪魁禍首，連特首曾蔭權也其身不正，食人三山五嶽的鮑魚宴，接受豪宅利益，下邊唔亂就有鬼啦！當社團黑幫也沾手選情時，警方如隱形般，黑影都見唔到隻，唔知禿鷹死Q咗去邊？以前，華探長坐鎮，怎會有如斯低B荒誕的笑話出現o架？

各位，香港在曾蔭權潛水之下，已係一個無王管嘅廢墟，自求多福吧！

歡迎add我facebook一齊鬧爆夕陽政府

彭志銘

次文化考古學家，對城中潮語有深入研究，博徵博引，廢官廢人行埋一邊。

就係咁爆：香港出不了林書豪？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot