范太轟曾班子唔做嘢

雙非孕婦湧港產子問題日益嚴重，但特區政府一直以「懶理」態度處理雙非問題，不願提請人大釋法，亦未推出有效行政措施。全國人大常委范徐麗泰批評特區政府「睇到（雙非孕婦產子）數字上升又唔做嘢」，已不再奢望曾蔭權政府能解決問題。范太等共三十名港區全國人大代表聯署建議，希望全國人大常委會解釋當年《基本法》立法原意，范太強調今次並非要求人大釋法，因為釋法主權從來在特區政府手上。

另一港區全國人大譚惠珠就指出，「唔可以永遠唔解決問題，將責任推畀廣東」，最佳方法是由人大講解當年釋法理據。

三十六名港區全國人大代表，合共有三十名聯署，包括行會成員鄭耀棠、查史美倫、工聯會黃國健及自由黨劉健儀。未有聯署的包括葉國謙、馬逢國、田北辰、陳智思、林順潮及羅范椒芬。部分人以不在北京為由拒絕聯署，而新民黨副主席田北辰更表明，不支持人大再度釋法，他建議由立法會議員提出私人條例草案處理。

譚惠珠：勿卸責廣東

有份聯署的范太強調，當年人大常委會已就吳嘉玲案釋法，故今次聯署是建議人大常委會就雙非問題進行法律解讀，並非釋法，「唔係你哋口中講嘅釋法，而係請常委會講清楚當年解釋係乜嘢。」她又指出，已不期望本屆政府能解決問題，相信問題要留至下屆政府才得以解決。「特區政府認為乜都唔需要做，我哋都無辦法！」

范太又指出，雙非問題的主導權在特區政府，但既然曾蔭權政府未有任何行動，「我作為香港人，見到有問題，又係人大常委，有責任向中央提出意見。」她不擔心這樣做會對政府司法制度造成挑戰，「我哋絕對唔係第二個權力中心，根本人大係無可能挑戰到特區政府！」她補充表示，今次只是聯署建議，並非聯署提案，後者級數較高，相信中央收到建議後，亦不會立即釋法。

譚惠珠亦表示，現時雙非孕婦產子問題極度嚴重，由人大常委會再次解讀當年釋法條文，並非壞事。「現時做法同九九年人大釋法嘅內容不盡一致，其實可以講係違反《基本法》」。她表示，要尊重司法程序，所以應由終審法院提請人大釋法，而人大只作建議。「唔可以永遠唔解決問題，將責任推畀廣東，香港人自己嘅事，無可能要廣東人根治。」

雙非孕婦湧港產子日趨嚴重，近日有聲音要求特區政府再次尋求人大釋法。律政司司長黃仁龍昨日首次開腔回應，指法院當年審理莊豐源案時已就《基本法》條文作詮釋，立法會應按判決修訂法例，強調不可輕率釋法。食物及衞生局局長周一嶽則重申，明年私家醫院內地孕婦名額必須減少，期望下月會有最終定案。