政壇：「兄弟齊心」洩阿爺特首傾向
正當大家將焦點集中喺國家領導人日前喺北京同港澳政協握手嘅先後之序時，有心水清嘅朋友就提醒大家，當日領導人寄語政協嘅「兄弟齊心，其利斷金」呢八個字，先至係暗藏玄機。
呢位朋友話，因為當中嘅「兄弟齊心」，其實同民望高企嘅特首候選人CY梁振英嘅競選口號「齊心一意撐香港」首兩字不謀而合，而且「齊心」又係有關領導人母親嘅名字，反問鍾意揣摩上意嘅人，呢個啟示仲唔夠明確嗎？如果根據呢位朋友咁講法，莫非中央已經唔再用「握手」嚟暗示特首人選玄機？究竟孰真孰假，呢個就留待大家判斷喇！