政壇：家庭問題研究唐唐判上判

兩年前施政報告要求由政務司司長做領導嘅家庭議會研究一系列家庭問題，包括青少年吸毒、青少年賣淫、疏忽照顧幼童及疏忽照顧長者，睇吓點樣從家庭角度去解決問題，等當局可以對症下藥。

民政事務局尋日向立法會福利事務委員會交咗份家庭議會工作進度，講番上述幾個範疇嘅研究結果。一睇之下，發現家庭議會將幾個研究外判再外判，委託中央政策組統籌個研究，中央政策組又邀請大學進行研究，結論就係話呢啲問題好多成因都源自家庭問題，新建議就係要家庭同社會各界合作。

呢份「阿媽係女人」嘅研究結果，搞足兩年幾，仲要外判再外判去做，罪魁禍首係當年嘅政務司司長唐唐，唔知佢當時因為公務繁忙定係受到私人感情問題困擾呢？如果靠家庭議會嘅建議可以改善上述四大問題，咁唐唐嘅感情缺失導致嘅婚姻低潮，就唔使靠僭建一個溫暖嘅家都搞得掂喇！