煲呔曾貪心大小通吃，連雞菜都唔放過，估唔到「黑狗」偷食，連累埋其他局長都被人質疑。有知情人士向本報爆料，話保安局局長李少光近四至五年都收到由內地官員送贈的增城荔枝，每年荔枝旺季都十幾籮咁送來港。報料人話李少光根本食唔晒十幾籮荔枝，於是好慷慨咁同朋友分甘同味。
有紀律部隊老友就話，上面啲公安老友好客氣，送荔枝好普通，一啲都唔出奇，但凡食得落肚嘅，通常會分畀同事食。保安局發言人冇回答李少光有冇收過荔枝，而荔枝係咪來自增城、係咪有十幾籮咁多、邊個有份食，一概都不作回應。
李少光多得煲呔曾帶挈，每年獲內地官員請食荔枝都被質疑。（資料圖片）
