City Parade：東華紅門宴
春暖花開，東華上演「紅」門宴。東華早前喺尖沙咀洲際酒店舉行141周年慈善晚會，大玩「 RED NIGHT」主題。一眾董事局成員絞盡腦汁鬥靚，出動大紅裙、艷紅恤衫、妖紅煲呔、鮮紅袋巾。還有，一顆比火更紅的善心，當晚合共籌得二百多萬元善款，為廣華籌募擴展經費。
耀眼亮點
莊思敏穿上一襲性感晚裝到場，為晚宴帶來亮光。
名人支持
晚宴星光熠熠，（左起）2011國際親善小姐梁麗翹、東華總理李鋈麟、2012國際中華小姐冠軍張曦雯、東華主席張佐華，及2011香港小姐季軍許亦妮，齊出席支持。
各具美態
晚宴籌委會主席陳文綺慧（左）喺腰間繫上紅絲帶，紅得優雅，賭王三太陳婉珍（右）就穿上飄逸紅裙，紅得張揚。
期待驚喜
賭王千金何超雲（左）期待男友陳山聰（右）送上生日驚喜。
真我個性
東華總理王賢誌無懼D&G名店禁拍風波，呢晚照着Dolce & Gabbana西裝，我行我素。
家人撐場
培力藥業集團主席陳宇齡（右）拉埋表哥彭曉明（左），齊撐太太陳文綺慧。
善心爆棚
工廈大王楊耀松長子楊國佳（左）身為東華前總理，呢晚做咗鑽石級贊助人，老友都讚佢善心。
父子出色
前東華主席李三元（右）以紅袋巾作點綴，公子李仲怡（左）就以紅恤衫配Dior西裝，紅得出色。