煲呔曾貪瀆醜聞愈演愈烈，畀煲呔曾搞鑊甘嘅添馬艦新政府總部同立法會新大樓空氣問題到家吓都未解決，由於空氣內嘅揮發性有機化合物（TVOC）含量超標，據聞當局為咗執手尾，使咗近三十萬元公帑滅菌消毒。
行政署為咗消毒、清洗新政府總部食水系統及安裝濾水器，一共花咗十五萬七千二百元。至於先有惡菌、後有毒氣嘅立法會新大樓，亦花咗十三萬七千元買消毒清潔用品、濾水器、蒸餾水及吸走毒氣嘅植物，納稅人嘅錢咁就畀煲呔曾呢啲貪官兼庸官白白浪費，庸官禍港又一例證。