政壇：師徒拉丁舞谷仁濟善款
仁濟醫院前晚舉行周年慈善餐舞會，候任仁濟主席梁昌明施展渾身解數，同幾位靚女大跳社交舞，四月接替李文斌（Edmond）任主席嘅佢，原來啱啱接任體育舞蹈總會會長，大會當晚仲邀請咗亞洲國際標準舞大師周志坤同高徒名媛蘇嘉怡演出拉丁舞，佢哋嘅精湛表演贏得全場掌聲雷動，佢哋原來都有幫梁昌明排舞。晚會嘅重頭戲係拍賣環節，拍賣「靚次伯」酒莊捐贈嘅多支珍貴紅酒，梁昌明同前仁濟主席錢曼娟分別以二十多萬元投得一支靚紅酒，梁昌明笑言會擺足二十年，到囡囡出嫁先至開喎。當晚活動輕鬆籌得善款近二百萬元。
周志坤（左）與名媛蘇嘉怡兩師徒表演精湛嘅舞藝。
李文斌及太太Amanda（右二及一）、梁昌明（中）、王賢訊及太太Vincci（左二及一）齊為仁濟籌款出錢出力。