中華總商會會長蔡冠深大仔Johnson喺加拿大學成歸來，畀媽咪蔡關穎琴派咗去瀋陽分公司擔任「訊差」，冇錯o架，唔係信差，事關佢主責聯絡唔同部門，打好基礎，準備接掌家族生意。
蔡關穎琴又話，難得囝囝唔嫌瀋陽天寒地凍，仍然好投入工作。蔡家喺瀋陽有數十億元投資項目，包括商場以及地產項目，家族旗下嘅新華瀋陽國際金融中心將於今年九月開幕，所以作為接班人嘅Johnson，咪要特派瀋陽囉。
至於蔡太嘅二女Jocelyn就要考大學，近期埋頭苦讀，搞到蔡太都心情緊張。
蔡關穎琴派大仔北上瀋陽特訓做「訊差」，由低做起。
