政壇：林鄭童年返學 驚冧山泥
發展局局長林鄭月娥尋日出席一個防止山泥傾瀉宣傳活動時，大講自己嘅童年回憶，藉幼年經歷推銷防治山泥傾瀉嘅重要性，真係夠苦心！
林鄭話，佢由小學至中學都喺堅尼地道返學，每日要行二百幾級樓梯先返到學校，真係少啲腳骨力都唔掂。佢話，每次落大雨時行經條長命樓梯時，都好驚會突然山泥傾瀉，好彩咁多年來都有驚無險，唔係今日都唔會企喺呢度喇！
尋日仲發生咗一段小插曲，在場人士有位見習土力工程師，佢同林鄭嘅英文名一樣叫Carrie，兩人惺惺相惜，對方仲即席揮毫，寫咗「廣廈蔭永」四字喺把紙扇度送畀林鄭，寓意香港居民住得安樂，希望林鄭收咗之後，真係可以令港人安居啦！
林鄭月娥藉幼時經歷宣傳防治山泥傾瀉，活動上更扮嘢淋花。