SUN微博：曾蔭公爵落難記之翻生英使館2

獅子山下，彼此同舟共濟，人人安居樂業，拋棄區份求共對……喂！發夢咩？衣食住行樣樣難嘅現實，催生咗呢位網友嘅創意，用悲哀嘅腔調重新演繹《獅子山下》，唱出香港人連一個安樂窩都無嘅愁緒……

http://www.youtube.com/watch?v=vfPsq9gKSJo

獅子山下（劏房版）

填詞：浩賢（CASH）原曲：獅子山下

娘親都嗌擠迫，難免時常拗撬，

佢哋闔家在獅子山下相遇上，點會是關心多於唏噓？

貧家等上公屋，勞氣實情冇用，

佢哋全家在屈質房內相共對，奢想安居尋夢去！

政府加深各方矛盾，建屋不准你催，

貧苦無奈瞓劏房，流涕亦流淚！

貧家等上公屋，惆悵面常帶淚，

抱憾大家在獅子山下逼共對，嗚呼，安居夢碎！

打橫嚟講：人在做，天在看

煲呔之卑劣貪性，大小通吃，罪有應得，乾是目前的證據，頂多入冊受幾籠，終生孭個「香港第一大貪官」之污名而已！但佢最大嘅罪，還不只於此啊！

話說，九七前，中英就香港回歸事宜大鬥法，有傳阿爺趁在中區起銀行之際，設計成如柴刀般，直劈向當時的港督府，時任督爺尤德首先中招；肥彭繼任，在刀煞口前植種一排柳樹，也只能化解絲毫殺傷力，肥彭須入廠搭橋護心，捱了血光小災。到老董接手，打死佢都唔入住此「凶宅」，寧願蝸居自家樓，但輪到貪威愛住大屋的煲呔一上場，便無有怕的搬晒老婆做女嗰陣的大小家當入伙「大帥府」，原先以為佢係天主教徒，不當風水玄術一回事，殊不知，佢搵咗個風水佬去幫佢擺陣，廣為人知的，也是該風水佬引以為榮而自爆的，係煲呔用公帑三百幾萬建魚池，唔只擋煞，仲要有利佢個人利益；及後，煲呔另覓一個玄幻大師入宮施法，一招「收煞為用」，令佢權傾天下，連阿爺都無佢符喎！呢次費用多少？誰付鈔？希望立法會內有所交代。

話煲呔卑劣，不只看到此小人傲慢貪婪，還見他每日到教堂的虔誠貌，背後，卻信風水佬多過上帝，如斯質素的蠱惑仔，怎會有好下場呢？上帝的審判，是存在，及公正的！我信！

「公職人員唔止要清白，更要『比白更白』。」

——曾蔭權

曾蔭權表示明白巿民對其誠信的期望，和他本人的價值有落差，他已吸取經驗以做好餘下任期。

估唔到出晒名黑面，黑底，乞黑人憎嘅特狗，竟然話要變白，仲要比白更白？！

你估賣美白產品廣告咩，戇豆豆！

講埋啲假大空嘅嘢，不如引刀成一快，交代你啲利益輸送內幕好過啦！

特狗，巿民唔似你呀，我哋有腦o架。

活取熊膽，係咪夾硬？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！