SUN熱辣：學聯：管理主義氾濫

樹仁大學閉路電視風波，惹起其他大學的學生關注，部分認為樹仁宿舍安裝的閉路電視數目過多，有侵犯學生私隱之嫌。香港專上學生聯會代表會主席黃佳鑫亦表示，是次事件反映校方管理主義氾濫，「保安需要」並非在多個地方設置閉路電視的理由。

黃佳鑫表示：「好多大學宿舍都喺唔同樓層安裝閉路電視，有啲連洗手間門口都有，如果只係保安用途，根本唔需要咁多，喺宿舍大堂等出入口安裝就夠。如果校方用閉路電視嚟審查宿生違規問題，更加係本末倒置。」

記者昨向多間大學的學生查詢，中文大學的駱同學認為，學校設立閉路電視前，需向學生清楚解釋，所錄取的影像資料也不應公開，只可由舍監等少數人觀看。而城市大學的唐同學謂：「學生喺宿舍嘅日常生活被監視，實在難以接受。」浸會大學的謝同學也直言：「如果我哋學校宿舍設有咁嘅閉路電視，我一定反對，宿舍唔係公共空間，點解可以裝置咁多閉路電視？」