政商定格：陳柏熹拒絕GaGa黃牛飛
Moiselle太子爺陳柏熹前晚出席保良局活動時話，原本相約好友、賭王千金何超盈到場，可惜對方太忙未能赴會。提到Lady GaGa撲飛熱，佢話都有飛：「買咗十張，但都唔夠派，出面都搵唔到，我要求緊其他人讓飛，我知道出面炒到個價好高，但我唔會買，因為唔想助長歪風。」另外，佢又透露三月中會舉行時裝騷，屆時請來神秘女人到場，問佢心目中邊個係神秘女人？佢即刻話：「舒淇，覺得佢好有韻味，但請唔到。」再追問佢有冇睇過舒淇拍嘅三級片時，佢就話當時自己未出世，依家亦唔會介意，因為每個人都有過去。
